Një mjet është përfshirë nga flakët ditën e sotme në qytetin e Elbasanit, por fatmirësisht nuk raportohet për viktima.

Ngjarja ka ndodhur në aksin rrugor Elbasan- Papër. Në makinë po udhëtonin një çift së bashku me fëmijët, të cilët kanë marrë lëndime të lehta. Mjeti ka qenë në lëvizje, kur për motive ende të paqarta është përfshirë nga flakët.

Në vendngjarje kanë mbërritur dy zjarrfikëse dhe një autoambulancë.