http://www.vizionplus.tv
https://facebook.com/VizionPlusTV
https://twitter.com/VizionPlusTV
Drejtues të komunës Bradashesh dhe dhjetëra banore të saj, kundërshtojnë vendimin për vend depozitimin e ri të mbeturinave të qytetit të Elbasanit. Sipas tyre, vendimi përcakton mbylljen e fushës së mbetjeve urbane të qytetit që është jashtë standardeve dhe ngritjen e landifillit të ri të Elbasanit, në komunën e Bradasheshit, në zonën e ish-Kombinatit Metalurgjik. Ky vendim ka nxjerre në protesta banoret që tremben, se hartës së qytetit të tyre do t'i shtohet një tjetër pikë e ndotur. Edhe Sabri Sallaku, kreu i komunës më të madhe të Elbasanit me rreth 15 mijë banorë, i ka bërë thirrje qeverisë të ktheje mbrapsht vendimin për ndërtimin e landfillit të mbeturinave në ketë zonë. Pas protestës, banoret e Bradasheshit kanë firmosur një peticion i cili do t'i dërgohet qeverisë, deputeteve të zonës dhe Avokatit të Popullit. Banorët deklarojnë se do të vijojnë protestat deri në një vendim të dytë.