Lasing na babae, nasagasaan ng tren -- hindi nasaktan!!!

Isang 22-year-old na babae sa Alabama ang naligtas, sa isang insidenteng tinatawag na 'himala' ng mga pulis.

Matapos ang isang gabing paglasing, nawalan ng malay at nakatulog si Lynsey Horne sa riles ng tren, sa railroad crossing sa Auburn.

Nang nagsimulang huminto ang mga kotse sa intersection, at hinintay na dumaan ang tren, napansin nilang nakahiga sa riles ang babae -- habang parating ang tren!

Iilan sa mga saksi ang tumawag sa pulis, at ini-report na may taong natamaan ng tren. Dumating ang pulis, sa inaakala nilang madugong eksena.

Pero nakita nilang natutulog si Horne sa riles, na walang kamalay-malay na muntikan na siyang mamatay. Bagamat walang pisikal na pinsala sa kanyang katawan ang babae, ay dinala pa rin ito sa ospital.

Ayon sa mga awtoridad, ang kaliitan ni Horne at ang haba ng tren ang potential factors sa kung paano siyang naligtas. Iyon nga lang, ay may limitasyon pa rin ang kanyang pagiging suwerte.

Dahil kinailangang pahintuin ang tren, tawagnin ang ambulansiya, at ilagay sa standby ang isang medical helicopter, si Horne ay naaresto at dinala sa local detention center. Siya ay nakasuhan ng public intoxication at disorderly conduct.


For news that's fun and never boring, visit our channel:
http://www.youtube.com/user/TomoNewsPH

Subscribe to stay updated on all the top stories:
http://www.youtube.com/subscription_center?add_user=TomoNewsPH

Stay connected with us here:
https://www.facebook.com/TomoNewsPH